Por Nieves Viesca (2014)
Dani García de la Cuesta (más…)
Defínase, por favor.
LLámenme l’atención munches coses y préstame deprender d’elles…
¿Qué le inspira?
buuuf ,…prefiero que m’espiren….. ¡¡aahh¡¡, de ser creativu y eso, de too, dende un tobillu guapu a una ola, un testu, la lluna llena, una melodía, l’aire dándome nel focicu, la compañía, la soledá, una fabada con compangu, …anque como decía l’otru, la cosa ye que te pille trabayando, y a veces tampoco ye asina,..pos eso, la vida y vivila.
Su obra, ¿Sigue los pasos de algún gran maestro?
Nun me queda más qu’agradecer a toes aquelles persones que queriendo, o ensin querer, mos deprende coses, hasta los ñeños mos deprenden el camín munches vegaes, hai que tar al tantu en too y nun perder enxamás les ganes de deprender…
¿Prefiere huir o afrontar?
Afrontar.
El humor, ¿desenfadado o cáustico?
Desenfadado.
Los sentimientos, ¿mejor a flor de piel?
Meca, depende..pero cuando dalguna cosa te respiga meyor non intentar tapecelo.
¿Qué tres palabras en desuso rescataría?
Munches de les asturianes, que col tiempu van escaeciéndose y necesiten de nosotros y nosotres para seguir vives otra pila d’años, arriendes hailes que desapaecen porque desapaez l’obxetu al que van xuníes y son palabres que pueden trasportanos a cuando yeremos ñeños, coles alcordances qu’añeren. Recuperales ye recuperar tiempos vivíos, como por exemplu fornicu, qu’esanició de la mio casa cola cocina carbón. Ser perreru, como yera mio Pá, dalgo heredé, y otra pue ser guilga, munchu xugábemos al gua.
¿Triunfador o Superviviente?
Superviviente.
Del futuro, ¿la búsqueda o el encuentro?
Coime, les dos coses, anque na vida ya me pasó en dalgunes ocasiones que, por exemplu, les amistaes nun se busquen, alcuéntrense, y sábeslo cuando apaecen…
Un buen insulto.
Voi poner dos: Ratubobu y caragochu.
Un mal piropo.
Esta nun la sé…
Un gran sueño.
Que se reparta pa beneficiu de tol mundu les ganancies de los medios de producción, sigo llevando un mundu nuevu nel corazón…
Último Proyecto.
Ando enguedeyáu con unes cuantes coses, asina mientres descanses d’una puedes trabayar n’otra, y suel pasar qu’acabes atopando datos y soluciones onde menos lo esperes. Amás del trabayu como solista y en formaciones como’l dúo Harpe Diem, y los grupos folk De Mandilín y Zapica, toi trabayando en tres investigaciones, una entitulada Ilustración y romanceru, otra Averamientu a la tabla tañida y otros sones, y L’organistrum antes del organistrum. Hai más coses, pero, afortunadamente, el día tien 24 hores.
Trayectoria.
¿La trayectoria?..huum… siempre p’alantre, o como munchu de llau, como les andariques, arrodiáu de la música y lo que conlleva, nel mio casu, tocar dalgunos estrumentos y tamién investigar sobre la so hestoria y l’usu.
